Ваньмыз куазь сэрен

   Ӵуказе понна кулэ вал лэсьтыны бадӟым чертёж. А мон ӧй вуы. Вот выжмиськон тряпка!

   Ваньмыз куазь сэрен. Я лымыя, я зоре, 2 градус кезьытлэсь но уг ни лэзькы. Тулыслы тупась мар ке. Дыр, ку мынам уг пот иземе уйёсы. Куать час бере ӝыт мон кысӥсько тылъёсме но 90 кВт лампочкаен но укное пиштӥсь уйфонарьёсын улыны кутскисько. Сыӵе потэ ветлэме уй Ижкар урамъёстӥ, юыны аракытэм глинтвейн но сайкыт гитараен шудэм крезьгурез кылзыны.

   Кузебай Гердлэн памятникез доры  пумиськылӥм. Туннэ вордӥськем нуналэз вал. Та понна дыр кулэ вал шедьтыны.  Адямиос трос ӧй вал. Озьы ке но кыӵе ке ас шуныт аспӧртэмлыко атмосфераен пачылмиз меӵак Герд дорын инты. Улэпчиз кадь. Чик но вырӟыськытэк, вераськытэк сылӥ. Кышкай быдӟымезлэсь кадь. Кылбуръёсме но ӧй лыдӟы. Озьы ик сумкаям, али но ӧй калты кагаз бамъёсты.  
   Лы дорозям ик кынмыса, пичи дунтэм кафешкае пырим. Умой интые мон ӧй ни вуысал. Кынмем йӧ пилетлы пӧрмысал но сюрес вылэ усьысал. Заказтӥм пицца. Ярам оломар сиён зым ӧз вормы итальян духиме. Пуким, вераськыса (Будто вераськон дыр вал..). Кури пичи Н. лэсьтыны мыным массаж. О-о, кафешкаын ик. А со: "Мон валасько, пияшед ӧвӧл шуыса, но массаж? татын?". 

   Вот пичи шузи. Ведь просто кури вал массаж. А, может, нош ик куазь?

   Учкисько календаре- толшор. Ваньмыз умой.

 





Кышканы мугъёс ӧвӧл на. Кадь...