вторник, 3 июня 2014 г.

Автобетононасос

 "Адямилэн улонэз поездлы тупа. "- автозаводтӥ мыныса, автобетононасос шоры учкыса, малпай мон. Котькуд поезд-эшшо одӥг пичи ке но аспӧртэмлыко улон аслаз чугун сюресэныз- улон гоженыз.
   Шуг-секыт, шудо, мариз ке улонад окмонтэм дыръя яке огшоры, лэсьтӥськод дугдылонни, потӥськод, пыриськод мурт поездъёсы, пыртӥськод мурт адямиез  яке кошкиськод азьлань, огнад.
   Ноку ӧй пырылы мурт поездъёсы. А вот асламаз пыртылӥ трос пол. Кышкыт арбери, шуо мон.Тон пыртӥськод быдэсак адямиез. Вань малпанъёсыныз, изъянъёсыныз, секытъёсыныз, кежегъёсыныз. Тон пыртиськод сое, но та сюрес ортчемед отчасти луэ ортчемын та адями понна но. Тӥ луиськоды сыӵе матысь но дуно ог-огдылы, что тон больше нокинлы уд сёт со интыез, кудаз али пыртӥд та адямиез. Тон пуктӥськод бадӟым бронь интые та адями понна.
  Адями потыку, минутлы, нуналлы яке улонлы, сыӵе буш инты кыле пушкад. Буш, кышкыт, шуг. Синъёстэ кыньыса, витиськод берытскемзэ. Берытскыкуз, шулдыр "бызиськод"
 азьлань, нош кема вуыкуз, шугъяськыса малпаськиськод вуэмез сярысь; витиськод час, нунал, арня... Одно ик, адями кулэ ӧвӧл дыръя, тон кошкиськод азьлань. Мукет учырын, кылиськод, толэзь ортчыса, кылӥськод мурт поездлэсь шуламзэ. Кулэ кошкыны. Та дугдылонние вуиз мукет поезд. 
  Ӵем дыръя вуылӥськод дугдонниос доры но оскалтӥськод, ӧз на-а вуэ потэмъёсыз, уг лыкто-а пырисьёсыз.  Нош интыос, кудъёсыз вылын пуктэмын вал Бронь котьку кылёзы со адями понна, кудӥз понна одӥг нуналэ соос вал сётэмын. 
  
  Улонам трос бронь пуктэм буш интыос. Куддыръя мон лыктӥсько дугдылонниос доры но шыпыт витисько бертэмзэс. Ортче ар. Кежег мыняса, адӟисько со адямиосты берпалан сылӥсь поездын но мур шокчисько. 
   
   Одно ик валасько, та-мынам чугун сюресэ но нокин кулэ ӧвӧл мыныны монэным быдэс улонме.  Соин ик луылэ мӧзмыт, бронированной интыос шоры учкыса, тодад вайыса вань ӵош ортчем сюрестэс, шумпотонъёстэс, ӵошен ортчем гопъёстэс; валаса, та инты котькулы кылёз буш. 

   Ваньмыз умой. Мон мынисько ас поездам азьлань. Лэсьтӥсько проект канализационной вуосты дунматон понна, кылсярысь. А автозаводамы мынэ стройка. Сыло кык башенной кранъёс но автобетононасос, конечно.