4 пропущенной

Сдатьти вань зачётъёсме, басьти кузьымъёсты, пукси автобусэ но, нокинлы жингыртытэк, кошки гуртэ. Акыльтиз городын. Выны нуналаз куинь пол жингыртылиз, юаны, ку бертиськод ини шуыса.
Автобус адямиосын пачылмем вал быдэсак. Ваньзы шудо мылкыдэн, мыняса, ог-огзэс донгысагес пыро, выль арен зечкылало. Мон очкитэк, пичи шыр музэн, утчкасько интыме. "Куамын сизьым, куамын сизьым...". Шедьти! Укно дорын, кызьы яратисько. Только интыям кык мусо пияшъёс пуко вал ини...
- Молодые люди, вы сидите на моём месте. Вот билет.
 Возьмати. Соос, ог-огзы вылэ учкыса, мыняса, шуизы
-Девушка, места на нижней полосе под окошком подписаны. Вы по верхним полкам смотрели?
- Конечно...
 -Ну, если вы хотите посидеть со мной, то молодой человек может подвинуться. Молодой человек же может подвинуться?...
Жогак эшшо одиг куара потиз.
-Вот ваше место. Я тоже запутался сначала.
Табере куинь воргоронъёс, кочыш синъёсын  учкыса, дась ини сётыны мыным выжыкыл 37 интыез.
-Пожалуй, присяду на своё законное.
Шуи но пукси. "Ну и чего ты не пересел?" кылиськиз на бускель интыосысь.
 Кыльыськыса, сумкаосме полка вылэ тырыса, гань-гань пукси. Куать кочыш синъёс вань 3 час сюрес вылын ортчем дырмес  ик вылам учкизы.
  Уг яратиськы смазливой пияшъёсты. Кыче ке дунтэм чебер фантикын конфет кадь пото. Ини.

 Выль армес умой пумитамы. Шыпыт, по-семейному. Нош ик валай, кыче дуно мыным та адямиос, кудъёсыз ноку уз берытске, котьку вуозы. Кудъёсыз ярато монэ. Зэмзэ. Зол.
 Гуртын улиськом бере, телефонмы уг куты связь. Зэмзэ вераса, кутэ. Но туж урод. Соин ик кысисько телефонме но куштисько сое сумкаям. Толон жыт кути- кутэ!
 4 пропущенной жингыртэмъёс. Вити, оло, пый, эшшо вуозы на смс-каос, жингыртэмъёс. Выль ар ук!
 Нош ик эскерисько- 4 пропущенной.
 Ну, я.
 Кошкисез кошкиз.