Мон но Андрей Владимирович

Будильникез кысыса, нош ик малпаса чебер романтической история, малы Ксюшилы кулэ кылльыны миндэреныз валес вылын эшшо 5 минут, туннэ изиськем дас часозь. Телефонысь шедьтыса "Андрей Владимирович", изись куараен верай бергес вуэмме. Ярам, пе.
Кыли бере 5 минутлы. Далеко не рекорд, малпай.
Зарни зундэссэ адӟыса, каньыл луиз сюлэмам.
-Кызьы нимыд?
-Ксения Сергеевна.
-Я, Ксения Сергеевна, пуксьылӥд-а ни куке?
Атае ноку ӧз пуктылы монэ. Мар веранэз, анае но, песятае но ӧз пуктылэ. Тодӥллямзы ни, дыр, та Ксюшамылэсь та удысын  трос уз пӧрмы.(Серекъясько).
-Ӧй.
-Ну, кыӵе мылкыдыд? Кышкаськод, дыр?
-О-о. Кызьы-о кышкатэк.
-Эн кышка. Мон тонэныд.
Пӧрмылӥз мынам умойтэмгес. Киосы пыдъёсыным уг эшъясько на. Нош со "умничка, Ксюша" шуэ. Тыбыры котме, киосы мырдэм рулез берыкто. Нош со "быгатод, быгатод, умой" шуэ.
-Уг пӧрмы кадь мынам. Сомында изъянъёс.
-Улонын но,Ксения Сергеевна, ваньмыз изъянъёсын. Тросэз уг пӧрмы. Тон дышетскиськод на. Ваньмы ми та улонын дышетскиськом. Слонъёсты тамак кыскыны дышето.
-Уг яратӥськы тамак кыскисьёсты, коть слон, коть кечтака мед луоз.
Серекъям.
-Хотя яратӥсько Captain Black лэсь зынзэ.
-Тумошо тон. Гожтӥсько тонэ эшшо одӥг занятие.
Кызьы шуэ песянае, Ксюшимы капчи сюрестӥ уйвӧтаз но уг ветлы.