Кык арня талэсь азьло, мусо Светиеным вераськыса, юан султӥз, вань-а пичи гожъяськон багажам кыӵе ке шудо чуръем кылбуръёсы. Кема малпаськыны ӧз кылды- ӧвӧл. Оло ноку ӧй вал но ӧвӧл улонам шудо минутъёсы? Конечно, вал но вань. Мон малпасько асме шудо адямиен. Соин ик, малы ӧз кыле чуръёс вылын?
Куддыръя асме пичи сяськаен ӵошатӥсько. Али гинэ потэм лызгырлыен, кылсярысь. Шуяны кутске Инмарен кылдытэм мар ке, сое уг киськало ке, уг утялто. Быгатӥсько-а мон вераны ачим сярысь озьы? Уг. Самой яратоно но дуно семьяе, эше, кудъёсыз али ке но монэным, валтӥсь дышетӥсьёсы, яратоно уже, университетэ, чуръёсы. Мариз уг тырмы на пичи сяськалы будон но чебермон понна? Оло сыӵе ик пичи сяська, кудӥныз будыны но сяськаяны луысал шулдыргес? Оло эшшо ке но зол пиштӥсь шунды? Оло зор шапыкъёс? Оло кыӵе ке фирменной кунгож сьӧрысь ваем удобрение?
Оло ваньмыз вань? Просто кулэ учкыны умойгес? Дӥся чебер очкидэ, пичи лызгырлы.
Та улонын Со сётэ милем сомында, кӧня ми кулэ басьтыны; ужанмы понна, тыршонмы понна. Яратон понна- яратон. Синву понна- синву.
Куддыръя милям вань ваньмыз. Нош ми огшоры ворсаськом синъёсмес но кылльыса витиськом инбамысь кизьылиослэсь усемзэс. Милем, вакчияк вераса, котьку мар ке но уг тырмы.
Озьыен, вуэ одӥг нунал, ку тон кутскиськод валаны, туннэ улонад вань ваньмыз, мар тон кулэ басьтыны та нунал понна.
Туннэ тон басьтод сое, мар кизид толон ӝыт, дуно эше.
Пуксисько Р. борды. Инмарен!
Комментариев нет:
Отправить комментарий